НАСТАВНИЧКИ   СОВЕТ

              Наставничкиот совет  е  највисок  стручен орган  кој  води  грижа  за целокупната воспитно- образовна  работа во училиштето. Членови на Наставничкиот совет се сите вработени наставници. Со него раководи  директорот на училиштето.

              Тој е иницијатор на осовременување на наставниот процес, затоа се залага за примена на иновациите во наставата како и  примена на активни методи форми и средства  кои го подобруваат квалитетот на наставата.

               Како највисок стручен орган се ангажира во остварувањето на  задачите што произлегуваат од  општата програмска структура. Една од тие задачи секако е следењето и  подобрувањето на квалитетот на наставниот процес, како и следењето на слободните ученички активности, ученички организации, јавна и културна дејност, грижа за здравјето на учениците и друго.

               Наставничките совети  секогаш биле збогатувани со најразлични теми и содржини кои биле во интерес на унапредувањето на наставниот процес.

                Секако значајно место на нашите наставнички совети  биле реализациите на постигнатите успеси и поведението на учениците на тримесечието, полугодието и крајот на учебната година. Од направената анализа се согледува моменталната состојба  на успехот и поведението  на учениците и се бараат соодветни форми , методи и средства за нивно подобрување . Следејки го успехот и поведението на учениците дава предлози за нивно наградување како и опоменување врз основа на  Правилник .

                  На Наставнички совет исто така се реализираа содржини поврзани со целите на делување според развојниот план како: реализација на додатната и дополнителната настава  и слободните активности, работа на создавање на позитивна клима во училиштето, усогласување на критериумот за оценување и вреднување на ученичките знаења и друго.

                  За време на 40 год. постоење и работа на учлиштето  низ Наставничкиот совет  минале повеке членови кои дале свој особен придонес  во унапредувањето на воспитно- образовниот процес  Голем број од нив дале свој придонес на полето на теоријата ,практиката, науката и учебникарството.