Proekti

	ИКТ во наставата
	веб сајтови изработени од ученици

ШТО Е УЧЕЊЕ ПРЕКУ ПРОЕКТИ?

Проектите претставуваат стратегија на учење при што учениците се ангажираат во сложени активности. Тие вообичаено бараат работа според чекори-фази и во одредено време, повеќе од неколку училишни денови или во рамки на едно полугодие.

Проектите треба да се фокусираат на развој на продукт, при што учениците ги организираат сите активности, водат истражувања, решаваат проблемии синтетизираат информации.

Иако проектот како методологија не е нов концепт, тоа е приод што поддржува многу задачи со кои наставниците се соочуваат денес, како што е среќавањето со стандарди, инкорпорирањето на автентично оценување, вклучувањето на повисоки мисловни активности и способности и обезбедување на искуства што ги поттикнуваат индивидуалните интереси и способности.

ЗОШТО ДА СЕ ПРИМЕНУВА МЕТОДОТ НА УЧЕЊЕ ПРЕКУ ПРОЕКТИ?

	ученикот е активен и одговорен носител во процесот на учење
	учењето има долготрајни резултати
	наученото наоѓа примена и е поврзано со реалноста
	учениците се мотивирани заради нивното активно учество и тие самите одлучуваат како ќе дојдат до одговорите и како ќе ги решат проблемите кои се поставени во проектот
	резултатите од проектот се одлично средство за подобрување на комуникацијата помеѓу наставникот и учениците (тие дискутираат и меѓусебно учат)
	ученикот учи како да учи

УЛОГАТА НА УЧЕНИКОТ ВО ПРОЦЕСОТ НА УЧЕЊЕ ПРЕКУ ПРОЕКТИ

	ученикот активно учествува во решавањето на проблемот
	сноси одговорност за своето образование
	мотивиран е и задоволен од своите постигнувања
	свесно доаѓа до своите заклучоци

УЛОГАТА НА НАСТАВНИКОТ ВО ПРОЦЕСОТ НА УЧЕЊЕТО ПРЕКУ ПРОЕКТИ

	наставникот претставува координатор на работата
	помага во прцесот на реализација на проектот
	ги надгледува учениците во текот на работата
	*ги оценува* учениците**