Ученичка заедница во училиштето

       Активностите во ученичките организации во училиштето се од посебно значење за правилниот воспитно-образовен развој на учениците.

       Во составот на воспитно-образовниот процес во училиштето активно работи и ученичката заедница.

       Во неа членуваат сите ученици од 1во-7мо одд. Секоја паралелка избира свое раководно тело од ученици кои на состаноците ги поставуваат и успешно ги решаваат проблемите од секојдневниот детски живот.

        Во почетокот на учебната година наставниците и учениците изготвуваат план и програма за работа на заедницата и во текот на учебната година се реализира истиот.

         Соработката меѓу наставниците, учениците и педагошко-психолошката служба во училиштето е голема.

          На состаноците се решаваат одредени проблеми и прашања и се поставуваат одговори кои влијаат врз успехот и поведението на учениците, културно-забавниот живот, социјалните прашања, хигиената и естетскиот изглед на училиштето итн.

          Ученичката организација овозможува учениците да бидат активно вклучени во училишниот живот, да го искажат своето мислење и самостојно да ги решаваат проблемите поврзани со нивниот живот и работа во училиштето.